Қолданушы нұсқаулығы

54 Фотокамераға жəне батареяға күтім көрсету: Сақтық ескертулер
- Батареяларды қысқа тұйықтамаңыз немесе бөлшектемеңіз не
оларды жалын немесе қатты ыстық температура əсеріне
ұшыратпаңыз.
- Фотокамераға немесе зарядтау құрылғысына салынбаған болса,
батареяны пластик пакетте немесе басқа өткізгіш емес ыдыста
ұстаңыз, осылайша түйіспе тұстар оқшауланған болады.
･ Егер батарея қызып кетсе (мысалы, пайдаланудан кейін бірден),
оны зарядтау алдында суығанын күтіңіз. Ішкі температурасы
көтерілген кезде батарея зарядталса, оның жұмысын нашарлайды
жəне батарея зарядталмауы немесе жартылай зарядталуы мүмкін.
･ Егер батарея біраз пайдаланылмайтын болса, оны фотокамераға
салып, зарядын тауысыңыз, содан соң оны фотокамерадан алып,
сақтауға қойыңыз. Батарея орта температурасы 15 °C жəне
25 °C аралығындағы салқын, құрғақ жерде сақталуы керек. Ыстық
немесе өте суық орындарда сақтамаңыз.
･ Батареяларды əр алты ай пайдаланудан кейін ауыстыру
керек. Ұзақ уақыт пайдаланылмаса, батареяны салқын жерге
қойып сақтаудың алдында əр алты айда бір рет зарядтап,
фотокамерамен зарядын тауысыңыз.
･ Пайдаланылмағанда, батареяны фотокамерадан немесе зарядтау
құрылғысынан алып тастаңыз. Фотокамера мен зарядтау
құрылғысы өшірулі тұрғанда да, зарядтың аз мөлшерін тұтынады
жəне батареяны бұдан былай жұмыс істемейтін деңгейге дейін
жеткізуі мүмкін.
･ Батареяны орта температурасы 0 °C-тан төмен немесе 40 °C-тан
жоғары жағдайда пайдалануға болмайды. Бұл сақтық шаралар
сақталмаса, батарея зақымдалуы немесе өнімділігі нашарлауы
мүмкін. Батареяны орта температурасы 5–35 °C болатын бөлме
ішінде зарядтаңыз. Егер батареяның температурасы 0 °C-тан
төмен немесе 60 °C-тан жоғары болса, ол зарядталмайды.
･ Батареяның температуралары 0–15 °C жəне 45–60 °C аралығында
болса, сыйымдылық азайып, зарядтау уақыты ұзаруы мүмкін.
･ Орта температурасы төмен болғанда, батареялардың зарядтау
сыйымдылығы əдетте азаяды.