Navigation Manual

59BP A2 Basic
IS
Efnisyfirlit
1. Mikilvægar staðreyndir um blóðþrýsting og sjálfsmælingar
• Hvernig á ég að meta blóðþrýstinginn?
2. Notkun tækisins í fyrsta sinn
• Ísetning rafhlaða
• Stilling dagsetningar og tíma
• Réttur handleggsborði valinn
3. Blóðþrýstingur mældur með tækinu
• Hvernig á að sleppa því að vista mælingu
4. Merki sem sýnir grun um takttruflanir
5. Umferðarljós á skjánum
6. Gagnaminni
• Skoðun vistaðra mælingarniðurstaðna
• Minni fullt
• Eyðing allra mælingarniðurstaðna
7. Rafhlöðumælir og skipt um rafhlöðu
• Rafhlöður næstum tómar
• Rafhlöður tómar – skipt um
• Hvernig rafhlöður og hvernig skal meðhöndla þær?
• Notkun endurhlaðanlegra rafhlaða
8. Notkun straumbreytis
9. Villuboð
10. Öryggi, viðhald, nákvæmnismæling og förgun
• Öryggi og eftirlit
• Viðhald tækisins
• Þrif á handleggsborða
• Nákvæmnismæling
• Förgun
11. Ábyrgð
12. Tæknilýsing
Ábyrgðarskírteini
1. Mikilvægar staðreyndir um blóðþrýsting og
sjálfsmælingar
• Blóðþrýstingur er þrýstingurinn á blóðinu sem hjartað dælir
um slagæðar líkamans. Ætíð eru mæld tvö tölugildi: Efri mörk
(slagbilsgildi) og neðri mörk (hlébilsgildi).
• Tækið sýnir einnig hjartsláttartíðni á mínútu.
• Viðvarandi of hár blóðþrýstingur getur valdið heilsutjóni
og krefst læknismeðferðar.
• Ræddu um blóðþrýstingsgildin við lækninn og segðu honum frá
því ef þú hefur tekið eftir einhverju óvenjulegu eða ert í vafa um
eitthvað varðandi blóðþrýstinginn. Reiddu þig aldrei á eina
staka blóðþrýstingsmælingu.
• Ýmsar ástæður geta verið fyrir of háum blóðþrýstingi.
Læknirnn getur útskýrt þær nánar og boðið þér meðferð ef þörf
krefur. Auk lyfjameðferðar má lækka blóðþrýsting með
þyngdartapi og líkamsrækt.
• Þú skalt ekki undir neinum kringumstæðum breyta
skömmtun lyfja sem læknirinn hefur ávísað þér!
• Blóðþrýstingurinn getur tekið miklum breytingum yfir daginn
eftir líkamlegri áreynslu og ástandi. Þess vegna skaltu alltaf
mæla blóðþrýstinginn í næði við sams konar aðstæður og
slaka á! Mældu hann að minnsta kosti tvisvar sinnum í hvert
skipti (kvölds og morgna) og reiknaðu út meðatal mælinganna.
• Það er ekkert óeðlilegt þótt tvær mælingar, sem gerðar eru hvor
á eftir annarri, sýni ólíkar niðurstöður.
• Það er ekkert óeðlilegt þótt niðurstöður blóðþrýstingsmælinga
séu ólíkar eftir því hvort læknir mælir blóðþrýstinginn,
starfsmaður í apóteki eða þú upp á eigin spýtur. Aðstæðurnar
eru gjörólíkar.
• Allmargar mælingar gefa miklu betri heildarmynd af
blóðþrýstingi en ein stök mæling.
• Gerðu stutt hlé á milli mælinga, að minnsta kosti 15 sekúndur.
• Ef þú stríðir við takttruflanir (hjartsláttaróregla - arrhythmia, sjá
4. kafla) skaltu ráðfæra þig við lækninn þinn um það hvernig eigi
að meta tölugildin sem blóðþrýstingsmælirinn þinn sýnir.
• Hjartsláttarmælirinn nemur ekki tíðni gangráða!
• Ef þú ert barnshafandi skaltu hafa sérstaklega góðar gætur á
blóðþrýstingi þar sem hann getur breyst verulega á meðgöngu!

Tækið hefur verið prófað sérstaklega til notkunar á
meðgöngu og við meðgöngueitrun. Ef blóðþrýstingur mælist
óvenjulega hár skaltu mæla hann aftur eftir 4 klukkustundir.
Ef gildið er enn of hátt skaltu leita til heimilislæknisins eða
kvensjúkdómalæknis.