Instruction Manual

187
САҢЫРАУҚҰЛАҚ СОУСЫНЫҢ
ИНГРЕДИЕНТТЕРІ:
- 30 г сары май
- 1 десерт қасық горгонзола
- 2 шалот
- 300 г саңырауқұлақ
- 1/2 шағын стақан виски
- 200 г крем
- Талғамға сай мөлшердегі лимон шырыны
- талғамға сай мөлшердегі ақжелкен
ДАЙЫНДАУ:
Етті тұздап, бұрыштап, бөлме
температурасында төрт сағатқа қойып
қойыңыз. Саңырауқұлақ соусын дайындау:
сары майды табада ерітіп, тіліктелген
шалот пиязын қосып, 2-3 мин. қуырыңыз.
Саңырауқұлақтарды қосып, тағы 5 мин.
қуырыңыз. Вискиді қосып, 1 мин. пісіріңіз де,
бір стақан су қосып, бір минуттай пісіріңіз.
Сұйық кремді, лимон шырынын, ақжелкенді
және горгонзоланы қосып, қайнатыңыз.
Соус қоюланғанша қайнатып, тұз бен
бұрыштың дәмін келтіріп, бөлек қоя
тұрыңыз.
Пісіру барысында дәмдеуішті етке щеткамен
жағыңыз: шағын табаға сары майды ерітіп,
қышаны және сарымсақты салыңыз.
Сары май ерігенше төменгі температурада
пісіріңіз. Жылы күйде сақтаңыз.
Төменге қырлы плитаны және жоғарыға
тегіс плитаны енгізіп, отқа қақтау плитасын
CONTACT GRILL (Тигізіп отқа қақтау) режиміне
қойыңыз.
Төменгі термостат тетігін 230°C-қа, жоғарғы
тетікті 230°C-қа реттеңіз. Отқа қақтау
плитасын алдын ала қыздыру үшін START/
STOP түймесін және әрбір плитаның SEAR
(Кептіру) түймесін басыңыз. Сүбе еттің екі
жағына да дәмдеуішті щеткамен жағыңыз
да, төменгі плитаға салып, отқа қақтау
пешін жабыңыз. Талғамға және сүбе
еттің қалыңдығына сай 6-8 мин. пісіріңіз.
Піскен кезде, сүбелерді алып, бұған дейін
дайындалған саңырауқұлақ соусын бетіне
құйып, табақты үстелге тартыңыз.
КҮЙДІРІЛГЕН БИДАЙ НАНЫНАН
ЖАСАЛҒАН ГАМБУРГЕР
ИНГРЕДИЕНТТЕР:
- 8 тілік бидай наны
- 500 сиырдың тартылған еті
- 100 г тіліктелген эмменталь сыры
- 2 десерт қасық зәйтүн майы
- 2 тіліктелген пияз
- бөлме температурасындағы сары май
қажетінше
- 2 шәй қасық вустер соусы
- талғамға сай мөлшердегі тұз
- талғамға сай мөлшердегі бұрыш
- жарты шәй қасық қант
ДАЙЫНДАУ:
Гамбургерлерді дайындау: тартылған
етті, Вустер соусын, тұзды және бұрышты
ыдысқа салып жақсылап араластырыңыз.
Қолмен қалыңдығы шамамен 2 см болатын
4 гамбургер пішіндеңіз. Отқа қақтау режимін
OPEN GRILL (Ашық отқа қақтау) режиміне
қойып, тегіс плитаны астына, қырлы плитаны
үстіне салыңыз. Төменгі термостат тетігін
230°C-қа, жоғарғы тетікті 230°C-қа реттеңіз.
Отқа қақтау плитасын алдын ала қыздыру
үшін START/STOP түймесін басыңыз.
READY (Дайын) жазуы көрінген кезде, зәйтүн
майымен және қантпен дәмдендірілген
тіліктелген пиязды төменгі плитаға салып,
біркелкі және жұмсақ болып пісу үшін
қалақпен араластыра отырып, шамамен
5-6 мин. пісіріңіз. Сол кезде басқа плитада
гамбургерді 5-6 мин. сайын аудара отырып,
шамамен 12 мин. пісіріңіз (пісіру уақыты
гамбургердің қалыңдығына сай әр түрлі
болады). Пияздар піскен соң, плитадан
алыңыз да, сары май жағылған нан тіліктерін
плита шетіне тек 1-2 минутқа қойыңыз.
Нан тіліктерін турау тақтайына күйдірілген
жағын жоғары қаратып қойып, пиязды
үстіне себіңіз, гамбургерлерді қосып,
сырды қабаттап салыңыз. Сэндвичті нан
тілігінің күйдірілген жағын төмен қаратып
жабыңыз. Плитаның қайта қызғанын күтіңіз
де, сэндвичтерді салыңыз және жоғарғы
плитамен жақсылап басыңыз.
Талғамға сай шамамен 2-3 мин. пісіріңіз.