User manual

10. UDHËZIME DHE KËSHILLA
10.1 Të përgjithshme
Këshillat e mëposhtme sigurojnë
rezultate optimale pastrimi dhe tharjeje
në përdorimin ditor dhe ndihmojnë në
mbrojtjen e mjedisit.
• Hidhni në koshin e mbeturinave
mbetjet e mëdha të ushqimeve nga
enët.
• Mos i shpëlani enët paraprakisht me
dorë. Kur është e nevojshme,
përdorni programin e paralarjes (nëse
disponohet) ose zgjidhni një program
me fazë paralarjeje.
• Përdoreni gjithmonë të gjithë
hapësirën e koshave.
• Gjatë ngarkimit të pajisjes, sigurohuni
që enët të mund të arrihen dhe të
lahen plotësisht nga uji i lëshuar nga
hundëzat e krahëve spërkatës.
Sigurohuni që artikujt të mos prekin
ose të mos mbulojnë njeri-tjetrin.
• Mund të përdorni detergjent për larjen
e enëve, shpëlarës dhe kripë veçmas
ose mund të përdorni tabletat e
shumëfishta (p.sh. ''3 në 1'', ''4 në 1'',
''Të gjitha në 1''). Ndiqni udhëzimet e
shkruara mbi paketim.
• Zgjidhni programin sipas llojit të
ngarkesës dhe nivelit të ndotjes. Me
programin ECO ofrohet përdorimi më
efikas i ujit dhe konsumi më efikas i
energjisë për enë prej fajance dhe
takëme me ndotje normale.
10.2 Përdorimi i kripës,
shpëlarësit dhe detergjentit
• Përdorni vetëm kripë, shpëlarës dhe
detergjent të projektuar për
lavastovilje. Produktet e tjera mund të
shkaktojnë dëmtimin e pajisjes.
• Në zonat me ujë të rëndë dhe shumë
të rëndë ne rekomandojmë përdorimin
e një detergjenti të thjeshtë për
lavastovilje (pluhur, xhel, tableta pa
agjentë shtesë), shpëlarësit dhe
kripës veçmas për rezultate optimale
pastrimi dhe tharjeje.
• Tabletat e detergjentit nuk shkrihen
plotësisht në programet e shkurtra.
Për të parandaluar mbetjet e
detergjentit tek takëmet, ne ju
rekomandojmë që t'i përdorni tabletat
me programet e gjata.
• Mos përdorni më shumë se sasia e
duhur e detergjentit. Referojuni
udhëzimeve që jepen në paketimin e
detergjentit.
10.3 Si të veproni nëse
dëshironi të ndaloni
përdorimin e tabletave të
shumëfishta
Përpara se të përdorni veç e veç
detergjentin, kripën dhe shpëlarësin,
kryeni hapat e mëposhtëm:
1. Vendosni nivelin më të lartë të
zbutësit të ujit.
2. Sigurohuni që kutia e kripës dhe
kutia e shpëlarësit të jenë plot.
3. Nisni programin më të shkurtër me
fazë shpëlarjeje. Mos shtoni
detergjent dhe mos i ngarkoni
koshat.
4. Kur programi të përfundojë,
përshtateni zbutësin e ujit sipas
fortësisë së ujit në zonën tuaj.
5. Rregulloni sasinë e lëshimit të
shpëlarësit.
6. Aktivizimi i njoftimit të zbrazjes së
shpëlarësit.
10.4 Ngarkimi i koshave
• Përdoreni pajisjen për të larë vetëm
artikuj që mund të lahen në
lavastovilje.
• Mos lani në pajisje artikuj prej druri,
briri, alumini, kallaji dhe bakri.
• Mos lani në pajisje artikuj që thithin
ujë (sfungjerë, lecka pastrimi).
• Hiqni mbetjet e mëdha ushqimore nga
enët.
• Njomini enët e gatimit me ushqim të
djegur përpara se t'i lani në pajisje.
• Futini artikujt e thellë (filxhanët, gotat
dhe tenxheret) me pjesën e hapur të
drejtuar poshtë.
• Sigurohuni që gotat të mos prekin
njëra-tjetrën.
• Vendosni artikujt e lehtë në koshin e
sipërm. Sigurohuni që artikujt të mos
lëvizin lirshëm.
www.aeg.com18